Sınaq imtahanı 01.03.2021-ci il tarixində keçiriləcəkdir.
Cari ilin 6-7 mart tarixlərində respublika üzrə Bakı şəhəri daxil olmaqla 12 bölgədə yerləşən 25 imtahan mərkəzində direktorların işə qəbulu üzrə test imtahanları keçiriləcək. Bu mərhələdə elektron ərizəsi qəbul edilmiş 3300-dən çox namizədin iştirakı nəzərdə tutulub. İmtahan zamanı namizədlərə 90 dəqiqə müddətində təhsil qanunvericiliyi üzrə 25, məntiq üzrə 20, əmək qanunvericiliyi üzrə 15 test tapşırığı təqdim olunacaq. Muasirtehsil.az redaksiyası olaraq cari il üçün direktorların işə qəbulu müsabiqəsinə hazırlaşan namizədlər üçün yeni onlayn sınaq təşkil edəcək. Martın 1-i baş tutacaq sınaq imtahanında bütün namizədlərin iştirakı gözlənilir. 2020-2021-ci ili əhatə edən aralıqda 4 onlayn sınaq imtahanı keçirilmişdir. Redaksiyamıza daxil olan çox saylı istəkləri nəzərə alaraq yekun 5-ci onlayn sınaq imtahanı keçiriləcəkdir. Nəzərinizə çatdırmaq istəyirik ki, muasirtehsil.az saytı təhsil sahəsində Təhsil Nazirliyinin proqramı əsasında onlayn sınaq imtahanı keçirən ilk saytdır. İmtahanda iştirak edəcək bütün namizədlərə uğurlar arzu edirik.
